Samkvæmt upplýsingum á vefsíðu HSÍ hefur Sunna Jónsdóttir fengið félagaskipti úr ÍBV í Fram og mun hún því spila með liðinu í Olís deildinni á leiktíðinni.

Fram hefur ekki formlega tilkynnt komu Sunnu en vart þarf að segja frá því hversu mikill hvalreki hún mun reynast Fram liðinu í vetur. Hún er búin að vera einn af máttarstólpum eyjaliðsins undanfarin ár ásamt því að hafa lengi verið í lykilhlutverki í landsliðinu.

Það verður því mjög spennandi að sjá Sunnu með Fram liðinu í vetur.