Norska landsliðskonan, Kari Brattset Dale á von á sínu öðru barni í mars á næsta ári. Þetta tilkynnti hún á samfélagsmiðlum sínum fyrir helgi.

Kari Brattset er leikmaður Evrópumeistara Gyori í Ungverjalandi en hún hefur leikið með félaginu frá árinu 2018.

Handboltasérfræðingurinn Lars Rasmussen segist í samtali við Europamaster.dk hræðast það að vörn Noregs verði mun veikari án Brattset sem er einn öflugasti varnarmaður í heimi. En á sama tíma samgleðst hann norsku landsliðskonunni og hennar fjölskyldu.

Brattset sem er 34 ára segir í tilkynningu sinni að hún stefni á endurkomu í boltann fyrr en síðar.

,,Fyrir Noreg þýðir það náttúrulega að þeir missa lykilmann á línunni. Kari er ekki aðeins líkamlega sterk og tæknilega örugg því hún er líka taktískur leiðtogi og ómissandi hluti í vörninni. Án hennar verður landsliðsþjálfarinn að endurbyggja bæði varnarbygginguna og sóknarleikinn, og það er ekki lítið mál að skipta henni út," sagði Rasmussen.

View this post on Instagram

A post shared by Kari Brattset Dale (@kbrattset)