Sandra Erlingsdóttir fór á kostum í lið ÍBV þegar liðið vann ótrúlega mikilvægan leik gegn bikarmeisturum Hauka í 5.umferð Olís-deildar kvenna í síðustu viku, 18-20.

Með sigrinum jafnaði ÍBV topplið Vals að stigum og eru nú með þremur stigum fleiri en Haukar sem spáð var í harðri baráttu við Val um deildarmeistaratitilinn.

Í Handboltahöllinni sem sýnd er öll mánudagskvöld í opinni dagskrá í Sjónvarpi Símans var tekið fyrir frábært mark frá Söndru sem sýndi þar leikskilning sinn og stal boltanum á ótrúlegan hátt á miðjum vellinum og keyrði upp í hraðarupphlaup og skoraði framhjá Söru Sif Helgadóttur samherja sínum í íslenska landsliðinu.

Sandra skoraði sjö mörk í leiknum og gaf eina stoðsendingu.

Markið má sjá hér að neðan.