Strákarnir í Handboltahöllinni sem sýnd er öll mánudagskvöld í Sjónvarpi Símans fóru yfir tvö keimlík brot í leik ÍR og Hauka í 7.umferð Olís-deildar kvenna um síðustu helgi. ÍR unnu leikinn með fjórum mörkum 30-26. 

Vignir Stefánsson gestur þáttarins fannst bæði lið hafa sloppið við rauð spjöld í brotunum báðum en dómarnir ákváðu að dæma tvær mínútur fyrir bæði brotin.

,,Við höfum aðeins séð tekið á þessu sérstaklega þegar farið í skotmanninn í loftinu. Maður hefur oft heyrt um afleiðingu brots og það er oft dæmt eftir því. Mér fannst allt í lagi að minnast á þetta. Mér finnst jaðra við að það sé hægt að gefa rautt spjald. En fyrst þeir gáfu bara tvær mínútur í fyrra brotinu þá verða þeir að gefa aftur tvær mínútur í seinna brotinu. En mér finnst þetta alveg á mörkunum,” sagði Vignir.

ÍR mætir Stjörnunni í lokaleik 8.umferðarinnar í Olís-deild kvenna í Skógarselinu í dag klukkan 15:00.

Brotin tvö og umræðuna um brotin má sjá hér að neðan.