Ísland mætti Serbíu í öðrum leik sínum á HM sem fram fer í Þýskalandi og Hollandi fyrr í kvöld. Leiknum lauk með eins marks sigri Serba 27-26 þar sem íslenska liðið fékk tækifæri til að jafna metin í lokasókninni en mistókst.

Serbar höfðu mikla yfirburði í fyrri hálfleik og voru 19-13 yfir í hálfleik. Mest náði Serbía sjö marka forystu í stöðunni 24-17 en Ísland vann síðustu mínútur leiksins 9-3 og var hársbreidd frá því að jafna metin undir lok leiks.

Hér fyrir neðan má sjá einkunnagjöf Handkastsins úr leiknum.

Hafdís Renötudóttir - 7
Arfa slök frammistaða í fyrri hálfleik. Endaði sem maður leiksins eftir að hafa varið tíu skot á síðustu 17 mínútum leiksins. Þvílíkur viðsúningur.

Sara Sif Helgadóttir - 4
Fann sig ekki.

Þórey Anna Ásgeirsdóttir - 5
Átti fullkomin leik þangað til í lokin þegar allt var undir. Klikkaði tveimur síðustu skotum sínum í leiknum og meðal annars lokaskotinu sem reyndist dýrkeypt.

Katrín Anna Ásmundsdóttir - (Spilaði of lítið til að fá einkunn)

Elísa Elíasdóttir - 5
Kom inn eftir meiðsli. Stóð vörnina á þeim kafla sem Hafdís fór að verja. Sást ekkert sóknarlega.

Sandra Erlingsdóttir - 7
Kraftur og útsjónarsemin í fyrirrúmi sem skilaði góðu dagsverki. Spilaði ekki mikið í seinni hálfleiknum.

Dana Björg Guðmundsdóttir - 4
Skoraði úr fyrsta skotinu og síðan ekki söguna meir. Klikkaði fjórum skotum í röð, meðal annars hraðarupphlaupi í stöðunni 24-25 til að jafna metin. 

Elín Rósa Magnúsdóttir - 7
Áræðin og flott. Hrikalega öflug í seinni hálfleik.

Elín Klara Þorkelsdóttir - 6
Enn og aftur of margir tapaðir boltar sem þýða yfirleitt mark í bakið. Dró vagninn sóknarlega ásamt nöfnu sinni í seinni hálfleik.

Thea Imani Sturludóttir - 5
Eitt mark úr tveimur skotum. Við þurfum meira sóknar framlag frá Theu.

Katrín Tinna Jensdóttir - 6
Stígandi varnarlega og sérstaklega öflug í seinni hálfleik. Var hvergi sjáanleg sóknarlega hinsvegar.

Lovísa Thompson - 6
Ekkert við hana að klaga varnarlega og nýtti fá tækifæri sóknarlega vel.

Díana Dögg Magnúsdóttir - 6
Áræðin að vanda.

Alfa Brá Hagalín - 5
Var óvænt í byrjunarliðinu. 

Matthildur Lilja Jónsdóttir - 5
Barðist varnarlega en stundum voru Serbarnir númer og stórar og sterkar. Fékk tvívegis dýrkeyptar tvær mínútur.

Rakel Oddný Guðmundsdóttir - (Spilaði of lítið til að fá einkunn)

10 - Óaðfinnanleg frammistaða

9 - Frábær frammistaða

8 - Mjög góður

7 - Góður

6 - Ágætur

5 - Þokkalegur

4 - Lélegur

3 - Mjög lélegur

2 - Arfa slakur

1 - Óboðleg frammistaða