Íslenska kvennalandsliðið lauk leik á heimsmeistaramótinu um síðustu helgi er liðið vann lokaleik sinn á mótinu gegn Færeyjum 33-30 en þetta var annar sigur liðsins á mótinu en áður hafði liðið unnið Úrúgvæ sannfærandi í riðlakeppninni.

Stelpurnar okkar léku alls sex leiki á mótinu og töpuðust fjórir þeirra. Handkastið gaf stelpunum okkar einkunnir eftir alla leikina á mótinu og hefur nú tekið saman meðaleinkunn leikmanna á mótinu.

Þar kom í ljós að samkvæmt einkunnargjöf Handkastsins voru þær Katrín Tinna Jensdóttir og Thea Imani Sturludóttir bestu leikmenn Íslands á mótinu með 6,5 í einkunn. Elín Rósa Magnúsdóttir og Sandra Erlingsdóttir komu næsart með meðal einkun upp á 6,3.

Hér að neðan má sjá einkunnargjöfina í heild sinni en við tókum einungis saman einkunnir hjá þeim leikmönnum sem fengu einkunnir eftir að minnsta kosti fjóra leiki á mótinu.

Thea Imani Sturludóttir - 6,5

Katrín Tinna Jensdóttir 6,5

Elín Rósa Magnúsdóttir - 6,3

Sandra Erlingsdóttir - 6,3

Hafdís Renötudóttir - 6,1

Þórey Anna Ásgeirsdóttir - 6,1

Dana Björg Guðmundsdóttir - 6,1

Lovísa Thompson - 6*

Elín Klara Þorkelsdóttir - 5,8

Alfa Brá Hagalín - 5,7

Elísa Elíasdóttir - 5,6**

Díana Dögg Magnúsdóttir - 5,3

Matthildur Lilja Jónsdóttir - 5,2

*Fékk einkunnir eftir fjóra leiki

**Fékk einkunnir eftir fimm leiki