Stymmi Klippari mun í allan vetur spá í spilin og tippa á hvernig komandi umferð mun fara í Olís deildum karla og kvenna.

Hér að neðan má sjá hvernig hann telur að 10.umferð fari í Olís deild kvenna.

Valur – Stjarnan (Laugardagur 14:00)  /  Sigurvegari: Valur

Fyrsti leikur í deildinni eftir HM fríið. Valskonur á toppnum meðan Stjarnan situr á botni deildinnar. Þetta verður þægileg byrjun fyrir Val sem vinna leikinn örugglega.

ÍR– Fram (Laugardagur 14:30)  /  Sigurvegari: ÍR

ÍR komið liða mest á óvart í vetur meðan Fram eru að finna sitt fyrra form með góðum sigri á Haukum fyrir HM fríið. Hvernig koma landsliðskonur ÍR-inga til baka úr landsliðsverkefninu? Ég held ÍR haldi áfram að koma á óvart og vinni Fram.

Haukar – KA/Þór (Laugardagur 15:30)  /  Sigurvegari: Haukar

Sjónvarpsleikur umferðinnar á Ásvöllum. Haukar verið virkilega daprar í vetur og þær vita það. KA/Þór verið flottar í vetur og vilja eflaust hefna fyrir leikinn í fyrri umferðinni. Ég held Haukar mæti dýrvitlausar og vinni leikinn og tímabilið byrjar fyrir alvöru hjá þeim í dag.

Selfoss – ÍBV (Sunnudagur 13:30)  /  Sigurvegari: ÍBV

Suðurlandsslagur af bestu gerð. ÍBV á toppi deildinnar meðan Selfoss er í næst neðasta sæti deildinnar. Sandra Erlings komin aftur heim eftir gott mót með kvennalandsliðinu í Þýskalandi. ÍBV vinnur þennan leik þægilega og heldur áfram að vera á toppnum.