Meistaradeild kvenna heldur áfram um helgina þegar 10. umferð riðlakeppninnar fer fram. Í A-riðli er „Leikur helgarinnar“ viðureign Team Esbjerg og Gloria Bistrita, þar sem liðin í þriðja og fjórða sæti mætast í afar mikilvægum slag fyrir lokasprett riðlakeppninnar.

Topplið Györi Audi ETO KC stefnir á að viðhalda fullkomnu gengi sínu þegar þær mæta DVSC í innbyrðis ungverskum slag. Metz tekur á móti Storhamar og Buducnost, sem vann sinn fyrsta sigur á tímabilinu um síðustu helgi, fær Dortmund í heimsókn.

Í B-riðli vilja Brest tryggja stöðu sína á toppnum með öðrum sigri ársins, FTC tekur á móti Podravka og CSM Bucuresti reyna að leita hefnda gegn Krim. Odense mæta Sola í skandinavískri viðureign þar sem bæði lið þurfa á stigum að halda.

Leikir helgarinnar

A-Riðill

Buducnost - Dortmund | Laugardagur 17.janúar kl 15:00
Bæði lið eru í baráttu um síðustu umspilssætin og þurfa nauðsynlega á stigum að halda. Buducnost situr á botni riðilsins með þrjú stig, en sigurinn á Bistrita í síðustu umferð gaf liðinu mikilvægt sjálfstraust. Dortmund hefur hins vegar tapað fimm leikjum í röð og sótti síðast stig gegn Buducnost í október.
Þrátt fyrir 38 mörk í Bistrita er sókn Buducnost enn sú slakasta í keppninni en þær hafa skorað 222 mörk til þessa, á meðan Dortmund á óheppilega þann titil að vera með lökustu vörnina hafa fengið 296 mörk á sig. Hvorugt lið má við miklum óstöðugleika og varnarleikur verður líklega úrslitaþáttur.

Metz - Storhamar | Laugardagur 17.janúar kl 17:00
Metz tapaði sínum öðrum leik á tímabilinu um síðustu helgi, en bæði töpin komu gegn Györ. Þrátt fyrir það heldur franska liðið 2. sæti riðilsins og vill komast strax aftur á sigurbraut. Storhamar hafa aftur á móti tapað fimm leikjum í röð og situr í 6. sæti.
Varnir liðanna eru meðal þeirra bestu í keppninni – Metz með næstbesta varnarleik keppninnar og Storhamar þann þriðja besta. Helsta áhyggjuefnið hjá Norðmönnum er hins vegar sóknarleikurinn, sem er sá næstslakasti í Meistaradeildinni.

Györ - DVSC | Laugardagur 17.janúar kl 17:00
Györ heldur áfram sigurgöngu sinni og stendur öllum liðum framar í nánast öllum tölfræðiflokkum – besta sókn mótsins (309 mörk) og besta vörnin (227 mörk fengin á sig). Þær sigruðu Metz um helgina og vilja halda áfram á sömu braut.
DVSC vann mikilvægan sigur gegn Storhamar í síðustu umferð þar sem Adrianna Placzek var með 39% markvörslu. DVSC hefur sýnt að liðið getur verið hættulegt á góðum degi og stefnir á að halda í við Györ eins lengi og mögulegt er.

Esbjerg - Gloria Bistrita | Sunnudagur 18.janúar kl 15:00
Esbjerg hóf árið 2026 með sannfærandi sigri á Dortmund og situr í 4. sæti með 11 stig. Liðið vill halda dampi í baráttunni um efstu sætin og gæti fengið stóran liðsstyrk ef Henny Reistad verður leikfær á ný.
Bistrita tapaði óvænt fyrir Buducnost í síðustu umferð og þar með lauk fjögurra leikja sigurgöngu þeirra. Í fyrri leik liðanna tryggðu 9 mörk frá Gabriela Ostase og 14 varðir boltar hjá Renata de Arruda sigurinn, 38:35.

B-riðill

Sola - Odense | Laugardagur 17.janúar kl 15:00
Sola fékk sitt fyrsta stig í keppninni með jafntefli gegn Krim og vonast til að byggja ofan á þann árangur. Odense tapaði hins vegar illa fyrir CSM og fjögurra leikja sigurganga liðsins tók þar með enda.

Brest - Ikast | Laugardagur 17.janúar kl 19:00
Brest tyllti sér á topp riðilsins um síðustu helgi og vill styrkja stöðu sína þar enn frekar. Í fyrri viðureign liðanna vann Brest 36:33 og hafa þær sýnt að liðið getur brotið niður nánast hvaða vörn sem er – sóknin er á meðal þeirra allra bestu í keppninni.
Ikast tapaði naumlega fyrir FTC í síðustu umferð og hefur leikið vel þrátt fyrir sveiflur. Tvær af mestu markavélum keppninnar mætast í þessum leik – Scaglione hjá Ikast og Vjakhireva hjá Brest.

CSM Búkaresti - Krim | Sunnudagur 18.janúar kl 13:00
CSM fékk frábæra byrjun undir stjórn Bojönu Popovic með yfirburðasigri á Odense. Liðið er nú í fjórða sæti og á möguleika á að komast á sigurbraut á ný.
Krim náði í stig gegn Sola og ætlar sér að endurtaka frammistöðuna sem skilaði sigri gegn CSM í fyrri umferð. Rúmenarnir eiga þó tækifæri á sögulegu afreki – 100. Meistaradeildarsigrinum í sögu félagsins.

FTC - Podravka | Sunnudagur 18.janúar kl 15:00
FTC er á góðu flugi með tvo nauma sigra í röð og situr í þriðja sæti aðeins einu stigi á eftir Odense. Podravka hefur hins vegar tapað sex leikjum í röð og þarf á stöðugri frammistöðu að halda.
Í fjarveru Katarinu Pandža mun Matea Pletikosic bera stórt hlutverk.