Elmar Erlingsson var ekki meðal markaskorara þegar Nordhorn-Lingen hélt sigurgöngu sinni í þýsku B-deildinni áfram en liðið sigraði Großwallstadt 34-36 á útivelli í kvöld. Um var að ræða fyrsta leik liðanna á nýju ári.

Um var að ræða tíunda sigur Nordhorn-Lingen í þýsku B-deildinni í röð en liðið er í 4.sæti deildarinnar  með 27 stig þremur stigum á eftir toppliði Bietigheim en Elbflorenz er í 2.sæti með 28 stig og Potstad í því þriðja með jafn mörg stig og Nordhorn-Lingen.

Frieder Bandlow var markahæstur í liði Nordhorn með 14 mörk úr 14 skotum og gaf fjórar stoðsendingar. 

Nordhorn-Lingen fær Eintracht Hagen í heimsókn í næstu umferð en sá leikur fer fram á sunnudaginn næstkomandi.

Elmar skrifaði undir framlengingu á samningi sínum við félagið á dögunum.