Í kvöld mættust Hörður og Selfoss 2 á Ísafirði í Grill 66 deild karla.

Selfyssingar mættu gríðarlega ákveðnir til leiks á Torfnesi fyrir vestan í kvöld. Voru þeir miklu betri í fyrri hálfleik og svoleiðis keyrðu í bakið á heimamönnum. Eftir korter var staðan 7-10 og þeir slökuðu ekkert á. Hálfleikstölur voru 14-20.

Harðar menn mættu sterkari til leiks í seinni hálfleik. Reyndu þeir hvað sem þeir gátu til að jafna leikinn en náðu aðeins að minnka muninn niður í 2 mörk þegar rúmar 7 mínútur lifðu leiks. Fór það svo að Selfyssingar kláruðu leikinn sannfærandi og unnu 27-33. Þeir einfaldlega vildu þetta miklu meira í kvöld. Frábær ferð hjá þeim vestur á firði.

Hjá Herði var Endijs Kusners markahæstur með 11 mörk. Markvarslan var ekki góð í kvöld hjá Harðverjum og aðeins 5 varðir boltar.

Hjá Selfoss 2 var Aron Leo Guðmundsson markahæstur með 13 mörk. Markvarslan skilaði þeim 11 boltum vörðum.

Sjáðu stöðuna í deildinni