Barcalona var ekki nema einu marki frá því að skrá sig í sögubækurnar í spænsku úrvalsdeildinni ern liðið vann Horneo Eón Alicante í gær í spænsku úrvalsdeildinni 51-32 en félagið jafnaði eigið markamet í deildinni.

Barcelona vantaði hinsvegar eitt mark til að jafna markamet sem Atlético de Madrid setti árið 2011 þegar liðið skoraði 52 mörk í 52-27 sigri á Academia Octavio í spænsku úrvalsdeildinni.

Þetta er í þriðja sinn sem Barcelona skorar 51 mark í ASOBAL-deildinni en liðið gerði það einnig árið 2015 gegn Puerto Sagunto og aftur árið 2024.

Staðan í hálfleik í leiknum í gær var 27-14. Það sem gerir afrek Barcelona enn ótrúlegra í gær er að ekki var nema tveir dagar síðan liðið tryggði sér bikarmeistaratitilinn á Spáni og Barcelona var án nokkurra lykilmanna í leiknum.

Dika Mem er frá keppni næstu vikurnar vegna meiðsla og þá voru Emil Nielsen, Luis Frade, Ian Barrufet og Domen Makuc hvíldir í leiknum.

Jonathan Carlsbogard og Manuel Ortega skoruðu átta mörk hvor, Dani Fernández og Miguel Martín fimm, en Aleix Gómez, Antonio Bazán og Petar Cikusa skoruðu allir fjögur mörk í leiknum. Í markinu varði Viktor Gísli Hallgrímsson 10 skot í fyrri hálfleik, með 42% markvörslu.

Barcelona er efst í deildinni með 16 sigra í 16 leikjum og 32 stig. Næsti leikur er útileikur gegn Recoletas Atlético Valladolid áður en Meistaradeildin heldur áfram en liðið mætir Pick Szeged í fyrstu umferð Meistaradeildarinnar á nýju ári.