Samkvæmt heimildum Handkastsins bendir allt til þess að línumaður Stjörnunnar, Jón Ásgeir Eyjólfsson leiki með Val í Olís-deild karla á næstu leiktíð. Jón Ásgeir verður samningslaus eftir tímabilið og hefur ekki framlengt samningi sínum við Stjörnuna.

Valsmenn hafa lengi haft áhuga að fá Jón Ásgeir til sín. Er Jóni Ásgeiri ætlað að fylla skarð Þorvalds Arnar Þorvaldssonar línumanns Vals sem er með samningstilboð frá Póllandi. 

Jón Ásgeir sem er fæddur árið 2002 og uppalinn í Stjörnunni hefur verið lykilmaður í liði Stjörnunnar undanfarin ár bæði varnar og sóknarlega. Einhver orðrómur er uppi um það að Jón Ásgeir sé nú þegar búinn að ná munnlegu samkomulagi við Val en hann sé enn opinn fyrir því að reyna fyrir sér erlendis á næstu leiktíð. Leiki hann á Íslandi verði það með Val.

Á dögunum var tilkynnt að Adam Thorstensen markvörður Stjörnunnar myndi yfirgefa liðið VfL Lübeck-Schwartau.