Dönsku meistararnir í Álaborg eru að skrifa söguna í dönsku úrvalsdeildinni en liðið hefur verið ósigrandi í dönsku deildar- og úrslitakeppninni í rúmlega 1000 daga. Á föstudaginn var, 6.mars voru liðnir 1000 dagar frá síðasta tapi Álaborgar á heimavelli í keppnum heima fyrir.

Það tap kom gegn GOG í oddaleik úrslitaeinvígisins um danska meistaratitilinn tímabilið 2022/2023 en GOG gerði sér lítið fyrir og vann tvo útileiki í röð gegn Álaborg en Álaborg vann heimaleik GOG hinsvegar. Það dugði þó ekki til og GOG varð danskur meistari það tímabil.

Síðasta tap Álaborgar á heimavelli fór fram 10. júní árið 2023.

Þá hefur Álaborg náð öðrum merkilegum áfanga en liðið hefur farið í gegnum heilt ár í deildinni heima fyrir án þess að tapa stigum.

Álaborg á tvo heimaleiki eftir í deildinni áður en úrslitakeppnin fer af stað. Fyrst mætir liðið Mors og síðan Ringsted og geta þeir því haldið áfram að skrifa söguna í næstu heimaleikjum.

Ótrúlegt afrek sem seint verður leikið eftir myndi maður halda.