Þýski landsliðsmaðurinn og vinstri hornamaðurinn í liði Kiel Rune Dahmke hefur skrifað undir nýjan samning við félagið til eins árs eða út leiktíðina 2027.

Rune Dahmke sem er fæddur árið 1993 gekk í raðir THW Kiel 15 ára gamall og hefur verið fastamaður í aðalliðinu síðan 2014. Hann hefur unnið Meistaradeildina (2020), EHF-bikarinn (2019), fjóra þýska meistaratitla, fjóra bikarmeistaratitla og sex Ofurbikara með félaginu.

Hann var fyrir tímabilið gerður að fyrirliða liðsins eftir að línumaðurinn Patrick Wiencek lagði skóna á hilluna.

Dahmke er þriðji leikmaður Kiel sem framlengir samningi sínum við félagið á stuttum tíma en fyrir skemmstu tilkynnti félagið að þeir Domagoj Duvnjak og Hendrik Pekeler hafi einnig framlengt samningum sínum við félagið.