Fjórir leikir fóru fram í B riðlinum í síðustu umferð riðlakeppni Meistaradeildar Evrópu í gær. Áttum við Íslendingar X í eldínunni.

Janus Daði Smárason og lið hans Pick Szeged gerði 30-30 jafntefli við Orlen Wisla Plock. Janus komst ekki á blað í leiknum.

SC Magdeburg steinlágu í París gegn PSG, 34-26. Elvar Örn Jónsson skoraði þrjú mörk, Gísli Þorgeir Kristjánsson skoraði 1 en Ómar Ingi Magnússon spilaði ekki með liðinu í kvöld og ekki heldur Felix Claar.

Viktor Gísli Hallgrímsson og félagar í Barca kjöldrógu Eurofarm Pelister 47-27. Viktor Gísli varði 6 bolta og var með rétt tæplega 30% hlutfallsmarkvörslu.

Þá unnu GOG 33-28 sigur á Zagreb þar sem Frederik Bjerre var markahæstur í danska liðinu með 9 mörk og Georgíu maðurinn geðugi Giorgi Tskhovrebadze vara markahæstur fyrir Zagreb með 10 mörk.

Þessi úrslit þýða að Magdeburg sem lengi vel voru taplausir í keppninni falla niður í 2. sæti riðilins og Barca hneppir 1. sætið.