Norður-Makedónía undir stjórn Kiril Lazarov náðu heldur betur í óvænt stig gegn Portúgal í 2.umferð riðlakeppni Evrópumótsins er liðin gerðu jafntefli 29-29.

Úrslitin komu gegn sterku portúgölsku liði sem fyrirfram voru taldir sigurstranglegra liðið fyrir leikinn og margir töldu geta gert góða hluti á mótinu. Það var því mikil ánægja í herbúðum Norður-Makedóníu eftir leikinn.

Norður Makedónía tapaði fyrsta leik sínum gegn Danmörku og mæta Rúmeníu í lokaleiknum. Markatala gæti skilið á milli Norður-Makedóníu og Portúgal er upp er staðið en Portúgal vann Rúmeníu í fyrstu umferðinni og mætir Danmörku í síðustu umferðinni. Jafntefli eða sigur Portúgal gegn Danmörku í lokaumferðinni gulltryggir Portúgal áfram í milliriðil.

Landsliðsþjálfarinn Kiril Lazarov var greinilega stoltur af frammistöðu leikmannanna og lagði áherslu á hversu glæsileg frammistaðan var gegn svo sterkum andstæðingi.

,,Ég vil óska ​​leikmönnum mínum til hamingju, þeir stóðu sig frábærlega í dag. Þeir eiga skilið… ég veit ekki hvað. Við vorum að spila gegn landsliði sem fór í undanúrslit frá síðasta HM, Portúgal, og þeir eru komnir hingað til að vinna verðlaun, kannski gullverðlaun. Við erum mjög ánægðir,“ sagði hann við vefsíðu EHF.