Ríkjandi Evrópubikarmeistarar og Íslandsmeistarar Vals fara í 1.umferð forkeppni Evrópudeildarinnar en vinna þarf tvö einvígi í forkeppninni til að komast í riðlakeppni Evrópudeildarinnar.

Valur er eina íslenska kvennaliðið sem er skráð í Evrópudeildina á komandi tímabili en 37 lið eru skráð í keppnina. Einungis fjögur lið eru nú þegar gulltryggð í riðlakeppnina. Það eru meistarar síðasta árs Thuringer frá Þýskalandi, Nyköbing frá Danmörku, Sola frá Noregi og Corona Brasov frá Rúmeníu.

18 lið taka þátt í 1.umferð forkeppninnar en þar er Valur í neðri styrkleikaflokki.

Efri styrkleikaflokkur í 1.umferð: (Þar með liðin sem Valur gæti mætt)

• Skara HF (Svíþjóð) (Aldís Ásta Heimisdóttir leikur með Skara)
• LC Brühl Handball (Sviss)
• DHK Baník Most (Tékkland)
• ŽRK Crvena Zvezda (Serbía)
• Armada Praxis Yalikavakspor SK (Tyrkland)
• Hypo Niederösterreich (Austurríki)
• Sport Lisboa e Benfica (Portúgal)
• O.F.N. Ionias (Grikkland)
• JuRo Unirek VZV (Holland)

Neðri styrkleikaflokkur í 1.umferð:

• Valur (Ísland)
• IK Sävehof (Svíþjóð) (Elín Klara Þorkelsdóttir leikur með Savehof)
• SPONO Eagles (Sviss)
• HH Elite (Danmörk)
• Molde Elite (Noregur)
• CS Rapid Bucuresti (Rúmenía)
• ES Besançon Féminin (Frakkland)
• Motherson Mosonmagyaróvári KC (Ungverjaland)
• GC Amicitia Zürich (Sviss)

Dregið verður í 1.umferð forkeppninnar 15.júlí en leikirnir fara fram 27.-28. september og 4.-5. október.