Kvennalið Vals mætir hollenska liðinu JuRo Unirek í fyrri leik liðanna í 1.umferð forkeppni Evrópudeildarinnar í Hollandi í dag klukkan 17:00 ytra.

Liðin mætast síðan aftur í N1-höllinni að Hlíðarenda á sunnudaginn í næstu viku klukkan 16:00. Sigurvegarar úr einvíginu mæta þýska úrvalsdeildarliðinu Blomberg-Lippe í seinni umferð forkeppni Evrópudeildarinnar.

Hægt er að horfa á leikinn í beinu streymi hér.

Handkastið greindi frá því fyrir helgi að í lið Vals vanti þær Elísu Elíasdóttur, Þórey Önnu Ásgeirsdóttur og Mariam Eradze sem allar eru að glíma við meiðsli.