Kvennalið Vals í Þjóðaríþróttinni var heiðrað sem besta íþróttalið höfuðborgarinnar. Verðlaunaafhendingin fór fram í Ráðhúsi Reykjavíkur í gær, að viðstöddu fjölmenni.

Valskonur áttu glæsilegt keppnistímabil 2024-2025. Þær urðu bæði Íslands- og deildarmeistarar á sannfærandi hátt í vor og gerðu sér síðan lítið fyrir og urðu Evrópubikarmeistarar með því að sigra Porrino frá Spáni í tveimur úrslitaleikjum. Valur er fyrsta íslenska kvennaliðið til að vinna Evróputitil í handknattleik en karlalið Vals vann sömu keppni tímabilið áður.

Hildur Björnsdóttir og Hildigunnur Einarsdóttir leikmenn Vals á síðustu leiktíð tóku við viðurkenningunni fyrir hönd liðsins.

Við sama tilefni var lyftingakonan og Evrópumeistarinn Eygló Fanndal Sturludóttir útnefnd „íþróttastjarna Reykjavíkur“ árið 2025.