Hægri skytta ungverska landsliðsins og Györi ETO-UNI FKC, Zsolt Krakovszki, hefur þurft að draga sig út úr ungverska hópnum fyrir komandi Evrópumót.

Zsolt þurfti að gangast undir aðgerð á liðböndum eftir að hann meiddist alvarlega á æfingu ungverska landsliðsins í aðdraganda mótsins og er reiknað með að hann verði frá í nokkra mánuði.

Ungverjar hafa kallað Benjámin Szilágyi í hópinn í stað Zsolts en hann leikur með Pick Szeged í heimalandinu og er samherji Janusar Daða Smárasonar.

Ísland mætir Ungverjum í lokaleik riðlakeppninar, þriðjudaginn 20.janúar í Kristianstad.