Handkastið gerði upp leik Íslands gegn Danmörku í undanúrslitum Evrópumótsins á föstudagskvöldið í Rapyd stúdíóinu.

Þar vildi klipparinn, Stymmi klippari ræða hárgreiðsluna á Emil Nielsen markverði Dana sem hann er lítt hrifinn af.

,,Var hann klipptur í myrkri? Voru þeir í einhverju flippi upp á hóteli í Herning. Þetta er einn af mínum uppáhalds markmönnum og ég dýrka hann. Ég ætla segja það sem hárgreiðslumaður, Emil Nielsen er með erfitt hár. Það er erfitt að gera eitthvað gott úr þessu en þetta er ekki gott. Þetta er eins og að hætta með mullet á miðri leið. Þessi hárgreiðsla er mögnuð," sagði Stymmi klippari og bætti við:

,,Danska landsliðið hefur greinilega hangið of mikið saman.”

Hægt er að hlusta á uppgjörsþátt Handkastsins á öllum helstu hlaðvarpsveitum.