Í dag mættust Víkingur og Hörður Ísafirði í Grill 66 deild karla í Safamýri.

Leikurinn var mjög jafn fyrstu 25 mínúturnar í fyrri hálfleik. Þá var jafnt á öllum tölum og stál í stál. Síðustu 5 mínúturnar áttu Víkingar góðan sprett og náðu að fara með 3 marka forskot inn í hálfleik. Hálfleikstölur 14-11.

Í seinni hálfleik byrjuðu Víkingar afar sterkt og voru fljótir að komast í 6 marka forskot. Eftir það var þetta aldrei spurning. Víkingar litu aldrei um öxl eftir það og sigldu öruggum sigri heim. Urðu lokatölur 34-29 fyrir heimamönnum og eru þeir nú einu skrefi nær Olís deildinni.

Hjá Víking voru Ísak Óli og Ásgeir Snær markahæstir með 8 mörk. Rökkvi varði 8 skot í rammanum.

Hjá Herði var Jose Neto markahæstur með 9 mörk. Markmenn Harðar þeir Stefán Freyr og Hermann vörðu 8 skot samtals.

Sjáðu stöðuna í deildinni