Fjölmargir Íslendingar voru í eldlínunni í Evrópuboltanum í dag og ætlum við að stikla á því helst sem gerðist í dag.

Viktor Gísli Hallgrímsson og félagar í Barcelona unnu Atletico Valladolid á útivelli í dag 28-39. Staðan var 17-21 Barcelona í vil í hálfleik.

Stiven Tobar Valencia og liðsfélagar hans í Benfica unnu CS Maritimo með tíu marka mun á heimavelli í dag, 40-30. Stiven var markahæstur hjá liði Benfica með 8 mörk.

Tumi Steinn Rúnarsson skoraði 3 mörk í 33-28 tapi Alpla Hard gegn toppliði Ferlach í austurrísku úrvalsdeildinni í dag. Tryggvi Garðar Jónsson var ekki í leikmannahóp Alpla í dag en Hannes Jón Jónsson þjálfar liðið en gaf út á dögunum að hann hætti með þá í vor.

Janus Daði Smárason var ekki í leikmannahóp Pick Szeged í ungversku úrvalsdeildinni í dag þegar þeir unnu, 39-25, sigur á Budai Farkasok-Rév.

Óðinn Þór Ríkharðsson skoraði 8 mörk og var markahæstur fyrir Kadetten Schaffhausen í, 33-30, sigri á Amicita Zurich í svissneksu úrvalsdeildinni. Kadetten eru langefstir í deildinni með 42 stig eftir 22 umferðir.