Danski landsliðsmaðurinn og leikmaður Bjerringbro-Silkeborg í dönsku úrvalsdeildinni hefur ekkert leikið með félagsliði sínu hvorki í Danmörku né í Evrópudeildinni eftir Evrópumótið sem fram fór í janúar. Þar varð Rasmus Lauge og landar hans í Danmörku Evrópumeistarar eftir sigur á Þjóðverjum í úrslitaleik.

Rasmus Lauge hefur verið að glíma við bakmeiðsli frá því á Evrópumótinu og segist hann enga hugmynd hafa hvenær hann getur snúið aftur til baka á völlinn. Handkastið greindi frá því í febrúar að hann væri með brjósklos.

,,Maður veit ekki hvenær þetta verður búið, því þetta er svolítið óljóst," sagði Rasmus Lauge í viðtali við TV 2 Sport í Danmörku. Hann benti á að það væri mikilvægt að hann væri orðinn 100% heill áður en hann myndi koma til baka.

,,Þetta lítur allt mjög vel út en það er hinsvegar ómögulegt að segja til u hvenær ég sný aftur. Við erum að leggja allan fókus á að ég geti verið með þegar úrslitakeppnin hefst," sagði Lauge að lokum.

Bjerringbro/Silkeborg er í 6.sæti dönsku úrvalsdeildarinnar með 23 stig en fjórar umferðir eru eftir af dönsku deildinni. Átta efstu liðin fara í átta liða úrslit sem leikin er í tveimur fjögurra liða riðlum.

Rasmus Lauge verður 35 ára í sumar hefur unnið til sex gullverðlauna með danska landsliðinu á stórmótum en hann er á sínu þriðja tímabili með Bjerringbro-Silkeborg í dönsku úrvalsdeildinni eftir að hafa spilað með Veszprém, Flensburg og Kiel.