Danski handboltamaðurinn, Bertram Simonsen hefur gengið í raðir Þórs frá danska félaginu Lemvig Thyborøn. Þórsarar tilkynntu þetta á samfélagsmiðlum sínum nú rétt í þessu.

Þórsarar sem voru nýliðar í Olís-deildinni enduðu í 9.sæti Olís-deildarinnar og eru því komnir í sumarfrí. Þeir eru hinsvegar ekki komnir í sumarfrí á skrifstofunni.

,,Bertram er rétthentur miðjumaður og einnig vinstri skytta og öflugur varnarmaður fæddur árið 2004 í Herning í Danmörku," segir í tilkynningunni frá Þór.

,,Hann spilaði með yngri flokkum Herning FH og Skanderborg ásamt því að hafa spilað með yngri landsliðum Danmörku. Bertram hefur leikið með Lemvig undanfarin tvö ár en spilaði þar áður með HC Midtjylland."

Daniel Birkelund þjálfari Þórs ætti að þekkja ágætlega til Bertram en Birkelund þjálfaði Lemvig áður en hann tók við Þór síðasta sumar.