Lovísa Thompson, leikmaður Vals, var mjög ánægð með 30-28 sigur liðsins á ÍBV í lokaleik deildarkeppninnar þar Valur fengu bikarinn fyrir deildarmeistaratitilinn afhentan.

Leikurinn var ótrúlega skemmtilegur og hart barist og vonaðist Lovísa eftir því að áhorfendur hafi haft jafn gaman af þessu og henni fannst.

ÍBV náði að vinna upp forskotið í síðari hálfleik en var Lovísa gríðarlega ánægð að liðið náði að halda þetta út. Góð markvarsla og varnarleikur var það sem skilaði sigrinum að hennar mati.

Valur stóð uppi sem deildarmeistari og fannst Lovísu það var hálf ótrúlegt miðað við öll áföllin sem liðið hefur þurft að þola í vetur. ,,Mér finnst það standa upp úr að það kemur maður í manns stað og yngri stelpurnar hafa staðið sig sjúklega vel og þroskast."

Allt viðtalið má sjá hér að neðan: