Arnar Pétursson tilkynnti á fimmtudaginn landsliðshóp sinn sem leikur tvo síðustu leiki Íslands í undankeppni Evrópumótsins sem fara fram í næsta mánuði.

Íslenska landsliðið mætir Færeyjum í Þórshöfn 8.apríl og fær síðan Portúgal í heimsókn 12.apríl en sá leikur fer fram á Ásvöllum í Hafnarfirði. Frítt verður á leikinn á Ásvöllum í boði Besta bitans. Hægt að sækja sér miða í gegnum Stubb.is.

Ljóst var að breytingar yrðu á hópnum vegna meiðsla en vinstri hornamaður Volda í Noregi, Dana Björg Guðmundsdóttir er meidd og verður ekkert meira með á þessu tímabili. Það var því við búist að inn kæmi nýr vinstri hornamaður ásamt Rakel Oddnýju Guðmundsdóttur.

Arnar ákvað að velja Hörpu Maríu Friðgeirsdóttur leikmann Fram í Olís-deild kvenna. Arnar þekkir vel til Hörpu endar var hann í þjálfarateymi kvennaliðs Fram á síðustu leiktíð.

,,Við hugsuðum það lengi hvað við vildum gera þar. Við horfðum á þetta út frá varnarleik bæði 6-0 og 5-1 og hraðaupphlaupum og því sem er að gerast inn á vellinum. Á endanum tók ég ákvörðun að velja Hörpu sem ég þekki ágætlega. Hún er mikill íþróttamaður og ég veit að hún á eftir að koma sterk inn í þetta," sagði Arnar í viðtali við Handkastið eftir að hópurinn var tilkynntur.

Erum með leikmenn sem eru að koma til baka úr meiðslum.