Færeyski landsliðsmaðurinn og leikmaður GOG í Danmörku, Óli Mittún er sagður ganga í raðir Magdeburg sumarið 2027.

Heimildarmenn Handkastsins segja að Magdeburg hafi viljað fá Færeyinginn strax í sumar en danska liðið hafi ekki tekið það í mál. Óli mun hinsvegar ganga í raðir þýsku meistarana í Magdeburg sumarið 2027.

Óli sem er uppalinn hjá H71 í Færeyjum lék þrjú tímabil með Savehof í Svíþjóð áður en hann gekk í raðir GOG í sumar og er á sínu fyrsta ári með félaginu. Hann hefur slegið í gegn bæði með GOG og færeyska landsliðinu á þessu tímabili og var eftirsóttur af stærstu liðum Evrópu.

Nú virðist hinsvegar allt benda til þess að hann verði leikmaður SC Magdeburg frá og með sumrinu 2027.