Bandarísku meistararnir í California Eagles voru engin fyrirstaða fyrir Evrópumeistara Magdeburg í dag á heimsmeistaramóti félagsliða sem fer fram í Egyptalandi.

Magdeburg unnu leikinn 50-20 eftir að hafa leitt 28-10 í hálfleik svo það er óhætt að segja að sigurinn hafi aldrei verið í hættu hjá Íslendingaliðinu.

Íslensku leikmennirnir áttu rólegan dag í markaskorun en þeir Elvar Örn Jónsson og Ómar Ingi Magnússon skoruðu þrjú mörk hvor en Gísli Þorgeir Kristjánsson komst ekki á blað.

Magdeburg leikur gegn Sharjah Sports Club á morgun.