Barcelona með Viktor Gísla Hallgrímsson innanborðs urðu í dag Heimsmeistarar félagsliða þegar þeir unnu Veszprém í úrslitaleik, 31-30. Bjarki Már Elísson var í liði Veszprém en hann spilaði ekki mikið í dag og varð að sætta sig við silfrið.

Magdeburg tryggði sér fyrr um daginn bronsið þegar þeir sigruðu Al Ahly frá Egyptalandi nokkuð þægilega, 32-23. Ómar Ingi Magnússon skoraði fimm mörk úr tíu skotum, Elvar Örn Jónsson skoraði þrjú mörk úr þremur skotum og Gísli Þorgeir Kristjánsson skoraði tvö mörk úr tveimur skotum.