Elvar Ásgeirsson átti hreinlega stórleik fyrir lið sitt Ribe-Esbjerg í kvöld þegar þeir unnu Mors-Thy á heimavelli, 32-31. Hann skoraði sex mörk úr sjö skotum og gaf að auki sex stoðsendingar og fékk að auki eina brottvísun.

Janus Daði Smárason skoraði tvö mörk í fimm marka sigri Pick Szeged gegn NEKA á útivelli í ungversku úrvalsdeildinni, 31-36.

Óðinn Þór Ríkharðsson skoraði tvö mörk í 18 marka sigri liðsins í svissneska bikarnum er liðið mætti Nyon. Leikurinn endaði 26-44 en Óðinn skoraði tvívegis í upphafi leiks.

Tumi Steinn Rúnarsson skoraði eitt mark úr fimm skotum í eins marks tapi Alpla Hard í austurrísku úrvalsdeildinni í kvöld, 29-30 gegn Fuchse. Tryggvi Garðar Jónsson komst ekki á blað í liði Alpla Hard en Hannes Jón Jónsson er þjálfari liðsins.

Hákon Daði Styrmisson skoraði sex mörk fyrir Hagen í 27-30 tapi liðsins gegn Bietigheim í toppbaráttuslag í þýsku B-deildinni. Eftir góða byrjun á tímabilinu hefur hallað undan fæti hjá Hagen sem eru í 4.sæti deildarinnar. Þremur stigum á eftir Bietigheim sem eru efstir.

Tvö Íslendingalið áttu leik í kvöld í norsku úrvalsdeildinni en báðir leikir voru miklir markaleikir. Drammen tapaði stórt fyrir Bergen á útivelli, 44-34 en Ísak Steinsson varði aðeins fjögur skot af þeim þrjátíu og einu sem hann fékk á sig eða 13% markvarsla.

Dagur Gautason skoraði sjö mörk úr sjö skotum fyrir Arendal sem tapaði með minnsta mun á útivelli fyrir Follo HK, 40-39.

Benedikt Gunnar Óskarsson átti frábæran leik í liði Kolstad í dag sem sigraði Sandnes mjög örugglega, 47-30 á heimavelli. Hann skoraði fjögur mörk úr fjórum skotum og gaf heilar 9 stoðsendingar! Sigvaldi Björn Guðjónsson var einnig í liðinu en hann skoraði ekki mark en gaf tvær stoðsendingar. Sigurjón Guðmundsson fékk tækifæri í marki liðsins og varði fjögur skot af þeim níu sem hann fékk á sig eða 44% markvarsla.

Orri Freyr Þorkelsson skoraði sex mörk fyrir Sporting er liðið vann öruggan tíu marka sigur gegn Maritimo í portúgölsku úrvalsdeildinni í dag, 41-31.

Þorsteinn Leó var ekki í leikmannahópi Porto vegna meiðsla er liðið gerði jafntefli gegn ABC Braga 32-32. Óvænt tapað stig hjá Porto sem eru nú stigi á eftir Benfica og Sporting en Sporting á leik til góða.

Íslendinga liðið Ringsted fengu Álaborg í heimsókn til sín í dönsku úrvalsdeildinni í dag.

Álaborg höfðu betur 22-35 og vægast sagt öruggur sigur í höfn þar.

Ísak Gústafsson skoraði 4 mörk í dag fyrir Ringsted en Guðmundur Bragi Ástþórsson komast ekki á blað í dag.

Álaborg er á toppi deildinnar en Ringsted sitja í 12.sæti í deildinni af 14 liðum.

Alpla Hard undir stjórn Hannesar Jóns Jónssonar gerðu jafntefli á heimavelli gegn Barnbach/Köflach í toppslag austurrísku úrvalsdeildarinnar. Bæði lið eru með jafn mörg stig í 2.-3.sæti deildarinnar. Tumi Steinn Rúnarsson skoraði fjögur mörk úr fimm skotum en Tryggvi Garðar Jónsson komst ekki á blað.

Barcelona vann 20 marka sigur á Spáni 45-25 gegn Nava í spænsku úrvalsdeildinni.