Í kvöld mættust Haukar 2 og Grótta á Ásvöllum í Grill 66 deild karla.

Leikurinn var kaflaskiptur. Í fyrri hálfleik var allt í járnum og lítill munur á milli liðanna. Voru Haukarnir þó meira yfir í fyrri hálfleik. Hálfleiksstaðan var 12-13 fyrir Gróttu.

Í seinni hálfleik tóku Gróttu menn öll völd á leiknum og sýndu styrk sinn. Eftir korter í seinni hálfleik var staðan orðin 17-23 fyrir Gróttu. Áfram héldu þeir á bensíngjöfinni og slökuðu engan veginn á. Fór það svo að lokum að Grótta sigraði með 11 mörkum. Urðu lokatölur 23-34. Ákaflega kaflaskiptur leikur.

Grótta er því áfram í harðri baráttu um toppsætið í deildinni.

Hjá Gróttu var Atli Steinn Arnarson með 7 mörk og Hannes Pétur Hauksson varði 16 skot.

Hjá Haukum 2 var Daníel Sigurgeirsson markahæstur með 6 mörk og Ari Dignus varði 18 skot.

Sjáðu stöðuna í deildinni