Gísli Örn Alfreðsson hefur skrifað undir nýjan samning við Handknattleiksdeild Gróttu og verður því í herbúðum Gróttu til ársins 2028.

Gísli Örn er fæddur 2006 og leikur yfirleitt í stöðu leikstjórnanda. Var hann máttarstólpi í öflugum 3. flokki í fyrra sem var bikarmeistari og lenti í 2.sæti Íslandsmótsins eftir mikla dramatík í úrslitaleik.

Í það heila hefur hann leikið 36 leiki fyrir meistaraflokk. Núna í vetur hefur Gísli skorað 28 mörk í 9 leikjum með liðinu. Missti hann út nokkra leiki vegna meiðsla.