Í kvöld mættust Selfoss 2 og Fram 2 á Selfossi í Grill 66 deild karla.

Selfyssingar voru með yfirhöndina allan fyrri hálfleikinn. Munaði þar mest um stórleik Ragnars Hilmarssonar sem raðaði inn mörkum. Eftir korter var staðan 9-7 fyrir þeim og þegar gengið var til búningsherbergja var staðan 17-16.

Eftir 10 mínútur í seinni hálfleik náðu Framarar að jafna leikinn í 25-25. Selfyssingar náðu þá góðum spretti og komust 3 mörkum yfir. Framarar náðu að minnka muninn í 1 mark en nær komust þeir ekki. Lokatölur 37-33 fyrir heimamenn.

Hjá Fram 2 var Arnþór Sævarsson markahæstur með 13 mörk. Garpur Druzin varði 10 skot.

Hjá Selfossi var Ragnar Hilmarsson með 15 mörk. Ísak Kristinn Jónsson varði 15 skot.

Sjáðu stöðuna í deildinni