Tveir leikir fóru fram í 27.umferð þýsku úrvalsdeildarinnar í kvöld. Hannover-Burgdorf vann sannfærandi útisigur gegn Eisenach á meðan Íslendingalið MT Melsungen vann fjögurra marka sigur á heimavelli gegn Minden.

Stórleikur Morten Hempel Jensen sem skoraði ellefu mörk fyrir Minden dugði ekki til á útivelli gegn Melsungen sem vann leikinn 32-28. Arnar Freyr Arnarsson skoraði eitt mark fyrir Melsungen og Reynir Þór Stefánsson skoraði tvö mörk.

Minden leiddi í hálfleik með einu marki 15-16 en þegar tíu mínútur voru eftir af leiknum var staðan jöfn 25-25. Þá kom 5-0 kafli hjá Melsungen sem breyttu stöðunni í 30-25 og eftir það voru úrslitin nánast ráðin.

Hannover Burgdorf byrjuðu leikinn gegn Eisenach af miklu krafti og komst strax í 4-0 og 9-4 en staðan var 15-11 Hannover Burgdorf í vil í hálfleik. Þeir slökuðu ekkert á í þeim seinni og unnu að lokum níu marka sigur 35-26.

Justus Fischer var markahæstur allra með sjö mörk og liðsfélagi hans, Leif Tissier kom næstur með sex mörk. Hjá Eisenach var Oskar Joelsson og Vincent Buchner markahæstir með fimm mörk.