Tveir leikmenn Vals, þeir Bjarni í Selvindi og Allan Norðberg, eru í 16 manna landsliðshópi Færeyja sem hefur verið valinn fyrir fyrstu tvo leikina í undankeppni Evrópumótsins.

Landsliðsþjálfararnir Peter Bredsdorff-Larsen og Hjalti Mohr Jacobsen tilkynntu hópinn en Færeyingar hefja undankeppnina með heimaleik gegn Kósóvó 4. nóvember áður en liðið sækir Svartfjallaland heim fjórum dögum síðar, 8. nóvember.

Bjarni í Selvindi og Allan Norðberg hafa báðir leikið með Val síðustu ár og hafa verið hluti af liði félagsins í Olís-deild karla á yfirstandandi tímabili og í Evrópudeildinni.

Í hópnum er að finna nokkra leikmenn sem leika með sterkum félagsliðum í Evrópu. Þar á meðal eru Elias Ellefsen á Skipagøtu, leikmaður THW Kiel, Óli Mittún hjá GOG, Vilhelm Poulsen hjá Hannover-Burgdorf og Hákun West av Teigum hjá Füchse Berlin.

Landsliðshópur Færeyja:

Markverðir:

• Pauli Jacobsen – IFK Skövde
• Aleksandar Lacok – TSV St. Otmar St. Gallen

Útileikmenn:

• Tróndur Mikkelsen – HF Karlskrona
• Rói Ellefsen á Skipagøtu – Århus Håndbold
• Óli Mittún – GOG
• Pauli Mittún – HC København
• Vilhelm Poulsen – Hannover-Burgdorf
• Elias Ellefsen á Skipagøtu – THW Kiel
• Bjarni í Selvindi – Valur
• Teis Horn Rasmussen – TTH Holstebro
• Ísak Vedelsbøl – HØJ
• Helgi Hildarson Hoydal – H71
• Pauli Høj – Bergsøy
• Leivur Mortensen – HF Karlskrona
• Hákun West av Teigum – Füchse Berlin
• Allan Norðberg – Valur