Stymmi Klippari mun í allan vetur spá í spilin og tippa á hvernig komandi umferð mun fara í Olís deildum karla og kvenna.

Hér að neðan má sjá hvernig hann telur að 7.umferð fari í Olís deild karla.

Fram – Haukar (Þriðjudagur 19:30) / Sigurvegari: Haukar

Fram sýndu ágæta takta gegn FH framan af leik en það dugði ekki til. Einar Jónsson mun þó eflaust reyna að byggja ofan á það. Það þarf ekki að eyða mörgum orðum um Haukana, efstir í deildinni með fullt hús stiga. Ekki frábær leikur fyrir Fram að fá meðan þeir eru að leita af sínum næsta sigri. Haukar munu fara upp í Úlfarsárdal og vinna þennan leik nokkuð þægilega.  Hauka að vinna leikinn með 5 mörkum eða meira á stuðlinum 1.7 á Coolbet er eitthvað sem ég myndi skoða.

Þór - Stjarnan (Miðvikudagur 19:00) / Sigurvegari: Stjarnan

Virkilega áhugavert einvígi. Þór byrjuðu tímabilið af krafti en Stjarnan eru komnir yfir þá í deildinni eftir 6 umferðir. Þór var að koma úr tvíhöfða í Vestmannaeyjum meðan Stjarnan vann nágranna þeirra í KA í Garðabænum. Þetta verður alvöru naglbítur en ég held að Stjarnan fari norður og vinni Þór.    

Selfoss - Víkingur (Miðvikudagur 19:30) / Sigurvegari: Víkingur

Botnslagur af bestu gerð. Ég sagði í síðasta Handkast þætti að ég teldi Selfoss vera fallið ef þeir tapa þessum leik. Ég hef meiri trú á að Víkingur sæki fleiri óvænt stig í vetur en Selfoss. Víkingar hafa eflaust ekki gleymt einvígi liðanna fyrir 2 árum um sæti í Olís deildinni og vilja hefna fyrir það ásamt því að skilja Selfyssinga eftir eina á botninum. Víkingur fer austur fyrir fjall og vinnur þennan leik.   

KA - Afturelding (Fimmtudagur 19:00) / Sigurvegari: Afturelding

Annar virkilega áhugaverður leikur. Afturelding verið á miklu flugi meðan KA hafa tapað tveim leikjum í röð gegn Víking og Stjörnunni sem þeir telja sig eiga að vinna fyrirfram. Þetta er algjör 1x2 leikur eins og við ræddum í Handkastinu á mánudaginn en ég hef trú á Hrannari Guðmundsson og strákunum hans, þeir fara norður og vinna. Afturelding (jafntefli ógildir veðmál) á stuðlinum 1.76 á Coolbet er eitthvað sem heillar mig.

Valur – ÍBV (Föstudagur 18:30) / Sigurvegari: Valur

Valsmenn fá loksins ágætis hvíld milli leikja eftir mikið leikjaálag. ÍBV er búið að vinna tvo leiki í röð eftir þjálfaraskiptin og verða að treysta á stórleik frá Degi Arnarssyni ef þeir ætla að eiga séns í Valsara. Ég tel hins vegar að Valur muni keyra hraðann vel upp í þessum leik og ÍBV eigi lítinn mögulega á að hlaupa með Hlíðarendapiltum sem munu vinna þetta nokkuð örugglega með 5+ mörkum.

HK – FH (Föstudagur 19:30) / Sigurvegari: FH

HK búið að sækja 4 góð stig í deildinni þrátt fyrir mikil meiðslavandræði. FH hafa spilað virkilega vel í deildinni meðan Evrópan hefur verið aðeins meira basl. Þetta mun ekki verða hindrun fyrir FH-inga sem munu fara í Kórinn á föstudaginn og vinna þægilegan sigur.  

1.umferð (6 réttir)
2.umferð (4 réttir)
3.umferð (4 réttir)
4.umferð (1 réttur)
5.umferð (5 réttir)
6.umferð (4 réttir)