Stymmi Klippari mun í allan vetur spá í spilin og tippa á hvernig komandi umferð mun fara í Olís deildum karla og kvenna.

Hér að neðan má sjá hvernig hann telur að 3.umferð fari í Olís deild karla.

Fram – ÍBV (Miðvikudagur 18:00) / Sigurvegari: Fram

Fram eru að koma úr frábærum sigri gegn Val þar sem liðið skoraði 47 mörk og sjálfstraustið í botni meðan ÍBV var í basli með Selfoss en sigldi þó sigrinum heim. Þetta mun verða bananahýði fyrir Fram þar sem Eyjamenn geta vel gefið þeim hörku leik en Fram munu hafa þetta í restina og vinna tveggja marka sigur.

HK - Valur (Miðvikudagur 18:30) / Sigurvegari: Valur

Valsmenn fengu 47 mörk á sig í síðasta leik og eitthvað sem segir mér að Gústi eigi eftir að nýta daga fram að þessum leik til að taka varnarleikinn í gegn. HK hafa byrjað tímabilið erfiðlega og eru ennþá í leit að sínum fyrsta sigri en ég þarf að hryggja þá að það mun ekki gerast í kvöld. Valsmenn eiga eftir að mæta dýrvitlausir og vinna þennan leik örugglega.

KA - Þór (Miðvikudagur 19:00) / Sigurvegari: Þór

Einn mesti spennandi viðureign deildinnar strax í 3.umferð. Þórsara hafa styrkt liðið vel í sumar og breiddin er orðin virkilega góð meðan við sáum KA ströggla í síðasta leik gegn Víking. Það er einhver púki í mér sem heldur að Þórsarar komi á óvart og vinni þennan leik með Brynjar Hólm úthvíldan eftir rauða spjaldið í síðasta leik.  

FH - Víkingur (Miðvikudagur 19:15) / Sigurvegari: FH

Ætli Víkingar byrji leikinn á fyrstu mínútu í kvöld? Þeir hafa tapað fyrstu tveim leikjunum sínum í upphafi tímabilsins á því að mæta ekki tilbúnir til leiks. FH naga sig eflaust í handarbökin að hafa kastað frá sér stigi gegn Aftureldingu í síðasta leik. Aron Pálmarsson mun brýna sína menn vel fyrir leik kvöldsins og Víkingar verða engin fyrirstaða fyrir spræka FH-inga.

Haukar - Afturelding (Miðvikudagur 19:30) / Sigurvegari: Haukar

Leikir þessara liða hafa alltaf verið góð skemmtun gegnum tíðina. Bæði lið hafa byrjað tímabilið vel og eru ennþá taplaus. Hlustendur Handkastsins vita að ég hef mikið dálæti á Haukum og ég tel þeir sýni styrk sinn í kvöld og vinni virkilega sterkt Aftureldingarlið nokkuð örugglega á Ásvöllum.

Selfoss – Stjarnan (Miðvikudagur 19:45) / Sigurvegari: Selfoss

Talandi um botnbaráttuleik af bestu gerð. Bæði liðin eru í leit af sínum fyrstu stigum þannig eitthvað mun láta undan í kvöld. Selfoss hafa litið talsvert betur út en Stjarnan í fyrstum leikjum tímabilsins en það telur ekkert í kvöld. Ég er búinn að fara fram og til baka með hvernig þessi leikur mun fara. Ætlaði að taka auðveldu leiðina og setja jafntefli en ég held að heimavöllurinn muni telja í kvöld og heimamenn fagni sigri, dyggilega studdir af sínu fólki í pöllunum.  

1.umferð (6 réttir)
2. umferð (4 réttir)