Haukar mættu Valskonum á sunnudagskvöldið og fóru með 28-24 sigur af hólmi og ræddu strákarnir í Handkastinu þennan leik og þá helst frammistöðu Jóhönnu Margrétar Sigurðardóttur í síðasta þætti sínum.

Jóhanna skoraði 12 mörk í leiknum og var allt í öllu í liði Hauka í þessum sigri á Val.

Styrmi þótti það skrítið að hún hafi ekki verið valin í þennan landsliðshóp sem er að koma saman í vikunni og hafði hann á orði að hann ætlaði að fylgjast sérstaklega vel með frammistöðu hennar í umferðum 2 og 3 eftir að landsliðshópurinn var tilkynntur.

,,Hún er er í hefndarhug og ætlar sér að sýna landsliðsþjálfaranum að hann hafi valið rangt í þetta skiptið. Þetta minnir óneitanlega á Söru Dögg, leikmanns ÍR, í fyrra þegar hún var að eiga frábært tímabil en var ekki í 35 manna hóp landsliðsins fyrir HM."

Hann tók þó fram að menn sem töluvert meiri reynslu af þjálfun í handbolta hefðu þó bent honum á að mögulega mætti útskýra þetta val með því að Jóhanna Margrét passaði ekki inn í þær áherslur sem landsliðsþjálfarinn væri að fókusa á.

,,Ég ætla ekki að fara að segja landsliðsþjálfaranum hvernig hann á að vinna vinnuna sína en maður fá hins vegar alveg setja spurningarmerki við þetta."