Bjarni í Selvindi leikmaður Vals í Olís-deild karla verður frá næstu vikurnar í það minnsta. Þetta staðfesti Ágúst Jóhannsson þjálfari Vals í samtali við Handkastið.

Bjarni fór í aðgerð á öxl á föstudagsmorgun daginn eftir tap liðsins gegn FH í 2.umferð deildarinnar.

,,Við gerum ráð fyrir að Bjarni verði frá næstu 4-6 vikurnar en það verður að koma í ljós," sagði Ágúst í samtali við Handkastið.

Bjarni hefur verið að glíma við axlarmeiðsli undanfarna mánuði og það var fyrir séð að Bjarni þyrfti að fara í aðgerð. Vegna meiðsla Róberts Arons og Magnúsar Óla var beðið með að fara í aðgerð fyrr en eftir FH leikinn.

Aðspurður sagði Ágúst að hann vonist til að Magnús Óli verði með í leik liðsins gegn Þór í 3.umferð Olís-deildarinnar næstkomandi föstudagskvöld.