Arnar Pétursson, landsliðsþjálfari A-landsliðs kvenna, hefur skráð Andreu Jacobsen inn í HM-hópinn og verður hún því leikfær þegar Ísland mætir Úrúgvæ í dag.

Leikur Íslands og Úrúgvæ hefst klukkan 14:30 og er hreinn úrslitaleikur um það hvor þjóðin kemst í milliriðilinn.

Andrea hefur verið frá vegna meiðsla undanfarnar vikur og er jákvætt að hún sé nú orðin leikfær á ný.

Leikurinn verður í beinni útsendingu á RÚV. Sigri Ísland leikinn tryggja þær sig inn í milliriðil. Hópur dagsins verður tilkynntur síðar í dag.