Bjarki Már Elísson æfði ekki með íslenska landsliðinu á opinni æfingu landsliðsins í Safamýrinni í dag.

Íslenska landsliðið kom saman til æfinga í gær og æfði síðan aftur í morgun. Bjarki Már var hinsvegar hvergi sjáanlegur á æfingunni í morgun.

HSÍ gaf út tilkynningu í hádegi í dag að Kristján Örn Kristjánsson hafi þurft að draga sig úr landsliðshópnum vegna meiðsla.

Evrópumótið hefst 15.janúar en fyrsti leikur Íslands á mótinu fer fram 16.janúar er Ísland mætir Ítalíu.