Óvænt brotthvarf Talant Dujshebaev hjá pólska stórliðinu Industria Kielce þýðir að félagið þarf að leita sér að nýjum þjálfara í fyrsta skipti í 14 ár.

Talant Dujshebaev hefur stýrt Kielce frá árinu 2014 en hann vann Meistaradeildina árið 2016 með liðið og komst í úrslitaleik Meistaradeildarinnar árið 2022 og 2023. Á dögunum tók hann við sem þjálfari franska landsliðsins og nú hefur aðstoðarmaður hans fyrrum, Krzysztof Lijewski tekið við Kielce og stýrir liðinu út tímabilið.

Paweł Papaj, bráðabirgðaforseti Kielce var í viðtali við Radio Kielce á dögunum þar sem hann útilokaði tvo pólska þjálfara þá, Tomasz Strząbała og Patryk Rombel.

Franski miðillinn, HandNews bendir á fjóra líklega kandídata sem gætu tekið við Kielce. Einn af þeim er Íslendingurinn, Dagur Sigurðsson sem stýrir króatíska landsliðinu í dag. Þá nefnir miðillinn einnig, Uros Zorman sem hefur lengi vel verið orðaður við þjálfarastarf Kielce en hann stýrir í dag Slovan Ljubljana og slóvenska landsliðinu. Zorman er þó með samning við Slovan til sumarsins 2028.

Króatinn Ivan Čupić, goðsögn hjá Kielce er einnig á meðal þeirra valkosta sem Papaj hefur íhugað.

Þá er Jaron Siewert nefndur á nafn, fyrrum þjálfari Füchse Berlin sem gerði Berlín að þýskum meisturum í fyrsta sinn í sögu félagsins á síðustu leiktíð.

Það verður fróðlegt að sjá hvað stjórnarmenn Kielce ákveða að gera með framhaldið.