Íslenska stúlkna landsliðið skipað leikmönnum 16 ára og yngri tapaði þriðja leiknum sínum á Opna Evrópumótinu í morgun er liðið mætti Ungverjalandi í næst síðasta leik sínum í riðlinum.

Eftir tvö stór töp í gær gegn Króatíu og Tékklandi var komið að því að mæta sterku liði Ungverja. Ungverjaland leiddi í hálfleik með fimm mörkum 13-8 og vann að lokum tíu marka sigur 24-14.

Kristín Einarsdóttir og Tinna Dröfn Hauksdóttir voru markahæstar í liði Íslands í leiknum með þrjú mörk hvor. 

Liðið mætir Litháen síðar í dag í síðasta leik sínum í riðlinum en mótið fer fram í Gautaborg í Svíþjóð.

Markaskorarar Íslands: Kristín Einarsdóttir 3, Tinna Dröfn Hauksdóttir 3, Helga Jenný Vigfúsdóttir 2, Matthildur Helga Ólafsdóttir 2, Elma Kolbrún Bjarnadóttir 2, Sara Sigurvinsdóttir 1, Hrefna Dís Valgeirsdóttir 1.