Talsverðar breytingar verða á þjálfurum liðanna í Olís-deild karla fyrir keppnistímabilið 2026/27. Fjórir af tólf þjálfurum deildarinnar verða á sínu fyrsta tímabili með liðin sín.

Mesta athygli vekur að Aron Pálmarsson hefur tekið alfarið við þjálfun FH. Sigursteinn Arndal, sem stýrt hefur FH undanfarin ár, færist yfir í hlutverk aðstoðarþjálfara.

Hrannar Guðmundsson hefur tekið við Aftureldingu eftir að hafa stýrt Stjörnunni undanfarin ár. Við starfi hans hjá Stjörnunni tekur Sverrir Eyjólfsson. Á Selfossi hefur Örn Þrastarson verið ráðinn þjálfari eftir að Carlos Martin Santos sagði upp samningi sínum við félagið og heldur til Svíþjóðar þar sem hann þjálfar á komandi keppnistímabili.

Athygli vekur að allir fjórir nýju þjálfararnir eiga það sameiginlegt að taka við þjálfun hjá sínu uppeldisfélagi.

Þjálfarar liðanna í Olís-deild karla á tímabilinu 2026/27 eru því:

• FH: Aron Pálmarsson (fyrsta tímabil)
• Valur: Ágúst Þór Jóhannsson
• Afturelding: Hrannar Guðmundsson (fyrsta tímabil)
• Fram: Einar Jónsson
• Haukar: Gunnar Magnússon
• ÍBV: Erlingur Birgir Richardsson
• Stjarnan: Sverrir Eyjólfsson (fyrsta tímabil)
• HK: Halldór Jóhann Sigfússon
• KA: Andri Snær Stefánsson
• Víkingur: Aðalsteinn Reynir Eyjólfsson
• Þór: Daniel Birkelund
• Selfoss: Örn Þrastarson (fyrsta tímabil)