Ísraelski handboltamaðurinn Yonathan Pelach skrifaði nafn sitt í sögubækur evrópsks unglingahandbolta á U18 Evrópumótinu sem lauk um helgina.

Pelach lauk keppni með hvorki meira né minna en 97 mörk í átta leikjum og setti þar með nýtt markamet á U18 Evrópumóti karla.

Pelach skoraði að meðaltali 12,1 mark í leik á mótinu og endaði sem markahæsti leikmaður þess.

Fyrra metið átti Eistinn Mait Patrail, sem skoraði 84 mörk á U18 Evrópumótinu árið 2006.

Pelach bætti því met Patrail, sem hafði staðið í tvo áratugi, um heil 13 mörk.

Pelach hafði þegar vakið mikla athygli fyrr á mótinu með gríðarlegri markaskorun en hélt sama dampi allt til loka.

Niðurstaðan varð sögulegt mót hjá hinum unga Ísraela, sem yfirgefur Serbíu sem markakóngur U18 Evrópumótsins og nýr methafi keppninnar.