Grétar Ari Guðjónsson markvörður Hauka reyndist hetja Haukamanna í sigri liðsins gegn FH í 4.umferð Olís-deildar karla.

Haukar voru fimm mörkum yfir, í stöðunni 35-30 þegar lítið var eftir en FH-ingar skoruðu þá fjögur mörk í röð og fengu tækifæri til að jafna metin í lokasókn sinni, einum manni fleiri.

Aron Pálmarsson, þjálfari FH tók leikhlé og stillti upp í lokasókn liðsins. Logi Geirsson, góðvinur Arons hefði sennilega verið stoltur af félaga sínum í þetta skiptið því FH-ingar fengu dauðafæri en Grétar Ari Guðjónsson sá við skoti, Ómars Darra Sigurgeirssonar og tryggði Haukum sigurinn í leiðinni.

Ómar Darri var markahæstur í liði FH með 10 mörk í leiknum en hann sefur sennilega illa í nótt, þrátt fyrir það.

Umfjöllun um leikinn.

Lokasókn FH má sjá hér að neðan.