Íslenska karla landsliðið er það sjöunda sterkasta í Evrópu samkvæmt styrkleikalista EHF en evrópska handknattleikssambandið birti listann í dag. Rúm vika er síðan Evrópumótið sem fram fór í Noregi, Svíþjóð og Danmörku lauk.

Þar endaði Ísland í 4.sæti eftir tap gegn Króatíu um bronsið en Danir eru Evrópumeistarar í fyrsta sinn í 14 ár eftir sigur á Þjóðverjum. Portúgal endaði í 5.sæti og Svíþjóð í því sjötta.

Engin breyting varð á efstu þremur þjóðunum en Danmörk eru efstir á listanum en eftir þeim kemur Frakkland og Þýskaland.

Ísland og Slóvenía eru hástökkvarar af þeim þjóðum sem eru á topp tíu listanum sem báðar þjóðirnar fóru upp um tvö sæti. Ungverjaland og Svíþjóð féllu niður um tvö sæti hinsvegar.

Hér má sjá styrkleikalista EHF:

1. Danmörk
2. Frakkland
3. Þýskaland
4. Króatía
5. Portúgal
6. Svíþjóð
7. Ísland
8. Ungverjaland
9. Noregur
10. Slóvenía