Átta liða úrslitin í Meistaradeild Evrópu hefjast í dag með tveimur leikjum. Íslendingaslagur fer fram í Ungverjalandi klukkan 16:45 þegar Pick Szeged tekur á móti Magdeburg. Á sama tíma mætast síðan Íslendingalið Sporting og Álaborg í Portúgal.

Vandræðin halda áfram að hrannast upp hjá Pick Szeged en ljóst er að leikstjórnandinn, Lazar Kukić leikur ekki meira með liðinu á tímabilinu.

Lazar Kukic meiddist í bikarúrslitaleik gegn Veszprém á dögunum en seint í fyrri hálfleik lenti hann í alvarlegum axlarmeiðslum. Kukic gekk í raðir Pick Szeged fyrir tímabilið og hefur spilað vel með liðinu í vetur. Er þetta annar leikstjórnandinn sem dettur út hjá liðinu en samningi Jim Gottfridsson var rift á dögunum.

Fjarvera Kukić skilur eftir stórt skarð í sóknarleik Szeged, sérstaklega miðað við núverandi leikmannahóp. Eftir að sænska stórstjarnan Jim Gottfridsson yfirgaf félagið og hvílir ábyrgðin nú nánast alfarið á herðum íslenska landsliðsmannsins Janusar Daða Smárasonar.

Það verður því mikið álag á Janusi Daða í leiknum í dag og það sem eftir lifir tímabils hjá Pick Szeged sem bíður erfitt verkefni gegn Magdeburg.