Sveinn Jóhannsson skoraði þrjú mörk í tíu marka tapi Chambéry á útivelli gegn Nantes í frönsku úrvalsdeildinni í kvöld.

Sveinn skoraði þrjú mörk úr fjórum skotum en Chambéry er í 5.sæti deildarinnar með 32 stig þegar fjórar umferðir eru eftir af deildarkeppninni. Nantes er í 2.sæti deildarinnar með 49 stig, tveimur stigum á eftir Paris Saint Germain og eltir þá eins og skugginn.

Þetta er fyrsta tap Chambéry í síðustu sjö leikjum liðsins en liðið hafði unnið sex leiki í röð í frönsku úrvalsdeildinni.

Sigurganga Nantes hélt hinsvegar áfram en þetta var ellefti sigur leikur liðsins í röð í deildinni en liðið tapaði síðast stigum 18.desember þegar liðið gerði jafntefli gegn toppliðinu, Paris Saint Germain.